Astanada sý basý qaýpi bar ýchaskeler azaıdy – ákimdik

ASTANA. QazAqparat – Elordada sý tasqynyna qarsy is-sharalar júrip jatyr. Sý basý qaýpi bar ýchaskeler sany ótken jyldarmen salystyrǵanda 21-ge deıin azaıdy. QazAqparat bul týraly qala ákimdiginiń saıtyna silteme jasap habarlaıdy.

«Azamattyq qorǵaý organdary, kommýnaldyq qyzmetter turaqty daıyndyqqa keltirildi. Sý tasqyny saldarynyń aldyn alý jáne joıý úshin ınertti materıaldar qory daıyndaldy. Ákimdikte ótken keńeste sý tasqynyna qarsy sharalar talqylandy. Sondaı-aq qalalyq Tótenshe jaǵdaılar departamenti, «Qazsýshar» RMK, «Qazgıdromet» RMK, qurylymdyq bólimsheler jáne taǵy basqalary qatysty», - delingen ákimdik málimetinde.

Qazir Astanada qar men muzdan tazartý jumysy kúsheıtilgen rejımde júrgizilip jatyr. Qys mezgili bastalǵaly kommýnaldyq qyzmetter 3 mln tekshe metrge jýyq qar shyǵardy. Sondaı-aq aryq jelileri, nóser-káriz júıesi, jańbyr qabyldaý qudyqtary jáne ózgesi tazartylýda.

Astana ákimi Jeńis Qasymbek qardyń erýi saldarynan jeke turǵyn úılerdiń sý basýyna jol bermeý úshin barlyq qajetti sharalardy qabyldaýdy, sý tasqyny qaýpi bar ýchaskeler men eldi mekenderde qar kúreý jumysyn erekshe baqylaýǵa alýdy, sý ótkizý qurylysyn tazalaýǵa erekshe nazar aýdarýdy jáne tapsyrdy.

Foto: gov.kz