Astanada sý basý qaýpi bar aımaqtar anyqtaldy
ASTANA. QazAqparat - Astanada Ilınka turǵyn alabynyń shyǵys bóligi, Kóktal-1 turǵyn alaby, Sarybulaq ózeni ótetin aımaqtaǵy Óndiris turǵyn alaby, sonymen qatar Gazmashapparatýra saıajaı alabyna sý basý qaýpi tónip tur. Bul týraly qala ákimdiginen málim etti, dep habarlaıdy QazAqparat.
Sý tasqynyna qarsy osy jylǵy sharalardyń erekshelikteri týraly qalalyq Otyn-energetıkalyq kesheni jáne kommýnaldyq sharýashylyq basqarmasynyń basshysy Erbol Tóleýov aıtyp berdi.
«Bıyl sý tasqynyna qarsy sharalar aıasynda Esil jáne Sarybulaq ózenderiniń arnasyna erekshe mán berilýde. Gaz apparatýrasy aımaǵynda jáne Óndiris turǵyn alaby aımaǵynda Esil jáne Sarybulaq ózenderiniń arnasyn keńeıtý boıynsha jumystar júrip jatyr. Sonymen qatar ákimdik Maıbalyq kólinen «Nura-Esil» kanalyna deıingi N. Nazarbaev atyndaǵy Halyqaralyq áýejaı mańyndaǵy qoldanystaǵy kanalda tazalaý jumystaryn júrgizip jatyr», - dedi E. Tóleýov.
Sonymen qatar, onyń aıtýynsha, «Aqorda» aldyndaǵy Esil ózeniniń arnasy, M-3 kópiriniń janyndaǵy LRT jelisiniń qurylys aımaǵy, «Nurly jol» temirjol vokzaly mańyndaǵy Esil ózeniniń arnasy únemi baqylaýda.
Aýdan ákimdikteri tasyǵan sýdy sorý maqsatynda sý qabyldaǵyshtar men káriz júıesi kollektorlaryn tazalaý boıynsha jumystardy atqaryp jatyr. Sý astynda qalýy múmkin jerler únemi baqylaýda. Ol jerlerge arnaıy mamandandyrylǵan tehnıkalar bekitilgen.
Sondaı-aq vedomstvo basshysy tasqyn kezinde qalanyń qaı bóligine sý basý qaýpi tónip turǵandyǵyn aıtty. «Sý tasqynyna Ilınka turǵyn alabynyń shyǵys bóligi, Sarybulaq ózeni ótetin aımaqtaǵy Óndiris turǵyn alaby, Gazmashapparatýra saıajaı alaby, sonymen qatar Kóktal-1 turǵyn alaby sý astynda qalýy múmkin», - dedi E. Tóleýov.
Qalany kóktemgi sý tasqyny kezeńine daıyndaý úshin ortaq top quryldy. Oǵan kommýnaldyq qyzmetter men ishki ister organdarynyń avtomobıl jáne ınjenerlik tehnıkasy, 663 adamnan turatyn jeke quram, 191 tehnıka birligi, sonyń ishinde eki órt sóndirý sorǵysh stantsııasy, 14 júzý quraly, 30 motopompa, bir tik endi. Sonymen qatar, 23 shatyr, 400 kereýet, tósekke kerek-jaraq zattar, kólemi 16,8 myń tonna (qum, usaq tas) ınertti materıaldardyń, janar-jaǵarmaı materıaldarynyń jáne tamaq qory daıyndaldy
