Astanada «Sý arnasy - 2013» Halyqaralyq kórmesi ashyldy
ASTANA. 15 mamyr. QazAqparat - 2011-2012 jyldary «Aq bulaq» baǵdarlamasy boıynsha 702 jobaǵa bıýdjetten 160 mlrd. teńge bólinse, 2013 jyly 300 jobaǵa 77,1 mlrd. teńge bólý qarastyrylǵan.
Bul týraly búgin Astanadaǵy «Kórme» ortalyǵynda ótip jatqan «Sý arnasy - 2013» VІ Halyqaralyq kórmesi barysynda uıymdastyrylǵan «Sýdy paıdalaný: qazirgi bolmysy, problemalary jáne keleshegi» atty konferentsııada Sýmen qamtamasyz etý basqarmasynyń bastyǵy Ǵanıbek Orazbaev aıtty.
Sharany «Qazaqstan Sý Arnasy» sýmen jabdyqtaý jáne sý burý boıynsha kásiporyndar birlestigi», QR Óńirlik damý mınıstrliginiń qurylys jáne turǵyn úı-kommýnaldyq sharýashylyq isteri boıynsha komıteti, «Astana Sý Arnasy» memlekettik kommýnaldyq kásiporny jáne «Astana-Ekspo KS» kórme kompanııalary birlesip uıymdastyryp otyr.
Kórmede 11 eldiń 80-nen astam fırmalary men kompanııalary aýyz sýdy daıyndaý jáne aǵyndy sýlardy tazartý tehnologııalaryn, sý-sharýashylyq qurylystaryn salý, jóndeý jáne paıdalanýǵa arnalǵan materıaldar men jabdyqtardy, aýyldyq eldi mekender úshin aýyz sýdy daıyndaý qurylǵylaryn jáne basqa da zamanaýı tehnıkalardy tanystyratyn bolady.
Shara 15-17 mamyr aralyǵynda ótedi.
Aıta ketý kerek, atalmysh kórmege QR Úkimeti, QR Qorshaǵan ortany qorǵaý mınıstrligi, QR Densaýlyq saqtaý mınıstrligi, Astana qalasynyń ákimdigi qoldaý kórsetip otyr.
