Astanada stýdenttiń mashınasynan sholaq myltyqtar tabyldy
ASTANA. Qazannyń 8-i. QazAqparat /Gúlmıra Álıakparova/ - Astana qalasynyń polıtseıleri stýdenttiń avtokóliginde ań aýlaýǵa arnalǵan eki sholaq myltyq pen onyń oqtaryn tapty.
Astana qalasynyń Іshki ister departamenti Jol polıtsııasy basqarmasynan málim etkendeı, qazannyń 6-sy kúni saǵat keshki 9 jarymda JPB-nyń aǵa leıtenanty Andreı Ermılov pen serjant Aldııar Mádibek, M.Tynyshbaev atyndaǵy Qazaq kólik jáne kommýnıkatsııa akademııasynyń on-segiz jasar stýdenti basqarǵan Mercedes-Benz kóligin toqtatqan. Onyń mashınasynyń salonyn tekserý barysynda 16 jáne 12 kalıbrli ań aýlaýǵa arnalǵan eki sholaq myltyq tabyldy. Sonymen birge, stýdenttiń arqaǵa asyp júretin qorjynynda 16 jáne 12 kalıbrli tórt oq tabyldy. Avtokóliktiń ishinde júrgizýshini qosa eseptegende barlyǵy 5 adam boldy.
«Buǵan deıin qarýlarmen jasalǵan qylmystarǵa qatystylyǵyn anyqtaý úshin ustalǵan tulǵalar Astana qalasy ІІD-ge jetkizildi», - dedi JPB-dan.
Eske salaıyq, qazannyń 4-8-i kúnderi aralyǵynda ІІD-niń qurylymdary, qylmystyq-atqarý júıesi, salyq jáne prokýratýra organdary, densaýlyq saqtaý, bilim berý salalarynyń ókilderi Astana aýmaǵynda «Qaýipsiz jol» shuǵyl aldyn-alý sharasyn ótkizýde.
