Astanada «Stýdenttik arý - 2010» qalalyq baıqaýy ótti

Baıqaýǵa elordadaǵy arnaýly jáne joǵary oqý oryndarynan 16 jastan asqan barlyǵy 45 qyz qatysty. Sulý boıjetkender mánerlep júrý, ártúrli áýender yrǵaǵyna bıleý jáne keshki sándi kıim úlgilerin kórsetý boıynsha synǵa tústi.

Arýlardyń ónerin eki topqa bólingen qazylar alqasy baǵalady. «Akademııalyq» alqaǵa QR Prezıdenti janyndaǵy Memlekettik basqarý akademııasynyń rektory Aryn Orsarıev tóraǵalyq etse, «kásipqoı» qazylar alqasyna «Lıga Jas StaR» kreatıv agenttiginiń dırektory, tanymal shoý-men Nurjan Beısenov basshylyq etti.

Tartysty ótken dodanyń nátıjesinde «Stýdenttik arý-2010» baıqaýynyń bas júldesin S.Seıfýllın atyndaǵy Qazaq agrotehnıkalyq ýnıversıtetiniń stýdenti Azıza Sádýaqasova jeńip aldy. І-shi vıtse-mıss ataǵyn sondaı-aq, S.Seıfýllın atyndaǵy Qazaq agrotehnıkalyq ýnıversıtetiniń stýdenti Ekaterına Sıvolapova ıelense, ІІ vıtse-mıss Tynyshbaev atyndaǵy kólik jáne kommýnıkatsııa akademııasynyń stýdenti Márııa Beısekeı, ІІІ vıtse-mıss Medıtsınalyq kolledjdiń stýdenti Raýshan Ábildá atandy.

Іs-sharany «Nur Otan» HDP «Jas Otan» jastar qanatynyń, Bilim jáne ǵylym mınıstrliginiń, qalalyq mádenıet basqarmasynyń qoldaýymen «M-ART» shyǵarmashylyq birlestigi uıymdastyrdy.