Astanada stýdentterge oqý aqysyn tóleýge áleýmettik kómek kórsetiledi

ASTANA. KAZINFORM — 1 shildeden bastap elordalyq stýdentterge oqý aqysyna ótemaqy alý úshin qujat qabyldaý bastalady, dep habarlaıdy qalalyq Jumyspen qamtý jáne áleýmettik qorǵaý basqarmasy.

— 2025 jylǵy 1 shilde men 23 tamyz aralyǵynda Astana qalasynyń Jumyspen qamtý jáne áleýmettik qorǵaý basqarmasy elordadaǵy joǵary oqý oryndaryna kúndizgi bólimge oqýǵa túsken stýdentterge oqý aqysyn tóleý úshin áleýmettik kómek kórsetýge ótinishter qabyldaıdy, — delingen habarlamada.

Bul bastama áleýmettik osal toptardan shyqqan talapkerlerge qoldaý kórsetý maqsatynda júzege asyrylady.

Áleýmettik kómekke úmitkerler myna qujattardy tapsyrýy qajet:

• Jeke kýálik (kóshirmesimen);
• Ózine jáne otbasy múshelerine qatysty jıyntyq tabysy týraly málimetter;
• Jetim balalar úshin: ata-anasynyń qaıtys bolýy týraly kýálik pen týý týraly kýáliktiń kóshirmesi;
• Kópbalaly otbasydan shyqqan balalar úshin: kópbalaly otbasy mártebesin rastaıtyn qujat kóshirmesi;
• Astana qalasynyń orta mektebin bitirgenin rastaıtyn attestat;
• UBT sertıfıkaty (memlekettik úlgidegi);
• Ekinshi deńgeıdegi bank nemese «Qazposhta» AQ-daǵy jeke shot nómiri týraly málimet.

Sonymen qatar qosymsha aqparat alý úshin aýdandyq bólimshelerdiń baılanys nómirlerine habarlasý kerek:

• Almaty aýdany: 55-01-74, 8 702 837 50 05

• Baıqońyr aýdany: 55-72-32, 8 775 962 91 57

• Esil aýdany: 55-74-50, 8 771 804 16 25

• Nura aýdany: 55-68-40, 8 702 966 52 29

• Saraıshyq bólimi: 55-68-22, 8 701 255 20 56

• Saryarqa aýdany: 55-14-87, 8 702 546 86 95

Osyǵan deıin astanalyq oqýshylar kún energııasymen jumys isteıtin eko-sýburqaq oılap tapqanyn jazǵanbyz.