Astanada stýdentterge arnalǵan dúken ashyldy

Ol dúkenniń ereksheligi sol, barlyq taýarlardyń quny naryqtyq baǵadan tómen. «Ony ashý úshin biz kásipkerge jataqhananyń birinshi qabatynan bir bólmeni tegin bólip berdik. Ol óz kezeginde tek kommýnaldyq tólemaqylardy ǵana óteıdi. Osynyń esebinen taýardyń arzan baǵasyn ustaýǵa múmkindik bar. Máselen, nannyń baǵasy - 45 teńge, stýdentter jıi alatyn «Bıg-bon» men «Rolton» sııaqty taýarlar 33-55 teńge turady», - deıdi ýnıversıtettiń tárbıe isi jónindegi departament dırektory Baýyrjan Imanǵalıev.

Negizi, búginde QazATÝ-dyń arzan ashanasy da keńinen tanylyp úlgerdi. Onda túski astyń baǵasy - 250 teńge. Aldaǵy ýaqytta ýnıversıtet janynan áleýmettik emhana jáne dárihana ashý josparanyp otyr.