Astanada stýdentterge arnalǵan bos jumys oryndary jármeńkesi ótti
ASTANA. KAZINFORM – Elordalyq Esil University-de jastarǵa arnalǵan bos jumys oryndary jármeńkesi ótti. Uıymdastyrýshylar jastar saıasaty máseleleri jónindegi qalalyq basqarma, «Astana jastary» JRO qalalyq eńbek utqyrlyǵy ortalyǵymen jáne JOO-men birlesip uıymdastyrdy. Bul týraly elorda ákimdiginiń baspasóz qyzmeti málim etti.
Jármeńkeniń maqsaty – jumys berýshi men jumys izdeýshi arasyndaǵy tikeleı baılanys arqyly bilim berý uıymdarynyń túlekterin, sol sııaqty jumyssyz jastardy jumysqa ornalastyrýǵa járdemdesý.
«Jármeńkege 500-ge jýyq adam qatysty, olar negizinen úshinshi-tórtinshi kýrs stýdentteri, olar jaqyn bilimi bar mamandarǵa aınalady jáne jumysqa ornalasýdy qajet etedi. Munda 50-den astam uıym – memlekettik mekemeler men kommertsııalyq kásiporyndar ózderindegi bos oryndaryn usyndy. Biz osyndaı is-sharalardy únemi uıymdastyryp otyramyz. Bul jármeńke bıyl besinshi ret uıymdastyrylyp otyr. Jyl sońyna deıin EUÝ-da taǵy bir jármeńke ótkizýdi josparlap otyrmyz», - dedi «Astana jastary» JRO NEET sanatyndaǵy jastarmen jumys bóliminiń basshysy Ásel Bolatqyzy.
Stýdentter jumysqa ornalasýǵa kómektesetin bos jumys oryndary jármeńkeleriniń tıimdiligin atap ótti.
«Men «Esep jáne aýdıt» mamandyǵy boıynsha tórtinshi kýrsta oqımyn, bolashaqta býhgalter bolamyn. Ázirge býhgalterdiń kómekshisi retinde tájirıbem bar. Jaqynda oqýymdy támamdaımyn, sol sebepti bolashaq jumysym týraly oılanyp júrmin. Jármeńke – bul ózińe laıyqty jumys tabýǵa jaqsy múmkindik, munda da tańdaý bar», - dedi elordalyq JOO stýdentteriniń biri.
Eske sala keteıik, buǵan deıin Májilis depýtaty Ashat Aımaǵambetov eńbek naryǵyndaǵy teńsizdik pen mamandar tapshylyǵy máselesin kótergenin jazǵan bolatynbyz.
