Astanada stýdentter qalashyǵy salynady
«Stýdentter qalashyǵynyń qurylysy osy jyly bastalady. Onda 3 myń stýdentke arnalǵan jataqhana, kampýs jáne zamanaýı dene shynyqtyrý-saýyqtyrý kesheni bolady», - dedi L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov «Nur Otan» partııasy Astana qalalyq fılıalynyń kezekten tys máslıhatynda.
Onyń aıtýynsha, jańa nysan Eýrazııa ulttyq ýnıversıteti stýdentteriniń jataqhana máselesin tolyǵymen sheshetin bolady.
«Osy turǵyda biz Qazaqstandaǵy JOO stýdentterin jataqhanamen qamtamasyz etý problemasyn alǵashqy bolyp tolyǵymen sheshemiz. Biz ýnıversıtettiń áleýmettik problemasynyń sheshimin izdeýde oqý men tárbıe máselesin qashanda teń qarastyramyz. Bizdiń maqsat - tek qana bilikti maman ázirleý ǵana emes, sondaı-aq kemeldengen azamatty qalyptastyrý», - dedi ýnıversıtet rektory.
Aıta ketsek, 2018 jyly atalǵan ýnıversıtet 1-kýrsqa 7 myńnan asa stýdentti qabyldady. Bul, onyń aldyńǵy oqý jylymen salystyrǵanda 2,5 ese kóp.
