Astanada Street Workout-pen aınalysýǵa arnalǵan alǵashqy mamandandyrylǵan alań ashyldy
Sharanyń ashylýyna Qazaqstan Respýblıkasynyń Mádenıet jáne sport mınıstri Arystanbek Muhamedıuly, Astana qalasynyń ákimi Ádilbek Jaqsybekov, Qazaqstan Respýblıkasynyń Mádenıet jáne sport vıtse-mınıstri Sáken Musaıbekov, Álemdik UFC sportynyń juldyzy, MMA jáne aralas jekpe-jek túrleri boıynsha álemdik deńgeıdegi sheber Adam ıAndıev, sondaı-aq, «Salaýatty ómir salty» Halyqaralyq qozǵalysynyń jetekshisi, «Street Workout» Búkilýkraındyq Qoǵamdyq uıymynyń Prezıdenti, «Street Workout» halyqaralyq uıymynyń basshysy Denıs Mının qatysty. Street Workout az ýaqyt ishinde keńinen tanymal boldy jáne ol Qazaqstanda ǵana emes, búkil álem boıynsha jas shamasy men áleýmettik jaǵdaıy ár túrli adamdardyń basym kópshiliginiń áýestigine aınalyp úlgerdi.
1 maýsym «Balalardy qorǵaý kúni, Otan qorǵaýshylar saıabaǵynyń aýmaǵynda, «Qazaqstan» SK mańynda Street Workout-pen aınalysýǵa arnalǵan alǵashqy mamandandyrylǵan alańnyń ashylýy boldy. Osy shara sheńberinde vorkaýt boıynsha jattyǵýlardyń jazǵy maýsymynyń ashylýy bolyp ótti. Sondaı-aq Bar Bars komandasynyń quramyna kirý úshin resmı normatıv tapsyrý júrgizildi. Bar Bars komandasynyń qazirgi barlyq qatysýshylary óz mártebesin rastaý úshin osy normatıvti tapsyrdy. Alańda Qaraǵandy, Shymkent, Taraz, Almaty sekildi Qazaqstannyń ár túrli qalalary men oblystarynyń ókilderi jınaldy. Sharanyń negizgi maqsaty - Qazaqstan Respýblıkasynda Dene tárbıesi men sportty damytý boıynsha memlekettik baǵdarlamany iske asyrý. Salaýatty ómir saltyn qalyptastyrýdyń mańyzdy faktory retinde dene tárbıesi men sportty dáripteý. Sonymen qatar Qazaqstan Respýblıkasy halqynyń kúndelikti ómirine dene tárbıesi men sportty keńinen engizý. Sharanyń barysynda Bar Bars komandasy sheberlik synybyn ótkizdi, «Production Hromosomy» toby óner kórsetti. Bul is-shara Qazaqstan Respýblıkasy Mádenıet jáne sport mınıstrligi men «Street Workout» Qazaqstan Federatsııasynyń qoldaýymen ótkizildi.
