Astanada stomatologtardyń halyqaralyq ǵylymı-tájirıbelik konferentsııasy ótýde
ASTANA. Sáýirdiń 16-sy. QazAqparat /Jasulan Amanbaıuly/ - Búgin, juma kúni Astanada «Dentaldik ımplantologııa men stomatologııadaǵy jańa jetistikter - Astana 2010» atty halyqaralyq ǵylymı-tájirıbelik konferentsııa bastaldy,
dep habarlaıdy QazAqparat.
Shara Astana medıtsınalyq ýnıversıteti jáne QR Astana qalasynyń stomatologtar qaýymdastyǵynyń uıymdastyrýymen ótýde.
Qazaqstandyq jas dárigerlerge Italııa, AQSh, Lıtva, Germanııa, Izraıl, Shvetsııa, Japonııa, Reseı, Fınlıandııa, Estonııa, Ýkraına elderinen kelgen ǵalym stomatologtar men ımplantologtar semınarlar ótkizýde. Sheteldik baıandamashylar qazaqstandyq dárigerlerge jáne osy saladaǵy otandyq professorlarǵa denteldi stomatologııadaǵy ınnovatsııalyq tehnologııalar jaıynda, sonymen qatar tis hırýrgııasynyń sońǵy jetistikterimen bólisýde.
Astana medıtsınalyq ýnıversıtetiniń kafedra meńgerýshisi Anar Jumadilovanyń aıtýynsha, munda stomatologııalyq dertti joıýǵa qol jetkizgen Skandınavııa elderiniń tájirıbesi tartylyp, profılaktıkalyq preparattar óndiretin halyqaralyq kompanııalar qazaqstandyqtarǵa naqty kómek sharalaryn usynatyn bolady.
Astana medıtsınalyq ýnıversıteti jáne QR Tis emdeýshiler qaýymdastyǵynyń uıymdastyrýymen bastalǵan kongress aıasynda, stomatologııa jáne ımplantologııa salasynda kórme ashyldy. Kórmege tis emdeý salasyna qajetti qural-jabdyqtardy shyǵarýmen aınalysatyn álemniń 20-ǵa tarta sheteldik kompanııa ókilderi qatyspaq. Stomatologııalyq ındýstrııa salasynda tabysty eńbek etip júrgen halyqaralyq deńgeıdegi fırmalar óz qondyrǵylaryn ákelip, kópshilikke tanystyryp jatyr.
Búgin bastalǵan konferentsııa jumysy sáýirdiń 17-sinde aıaqtalady.
