Astanada stomatologııada 20 jastaǵy jigit kóz jumdy
ASTANA. KAZINFORM- Astana qalasyndaǵy jeke stomatologııalyq ortalyqtardyń birinde 20 jastaǵy jigit qaıtys boldy. Aldyn ala málimetterge sáıkes, oǵan dári engizilgennen keıin denesi qurysyp, jaǵdaıy kúrt nasharlaǵan. Soǵan qaramastan, biraz ýaqyttan soń ınektsııa qaıta jasalǵan.
Áleýmettik jelidegi jazba avtorlarynyń aıtýynsha, ekpeni allergııalyq synamasyz tájirıbeden ótip júrgen praktıkant salǵan, al stomatolog jaǵdaıdy tıisti deńgeıde baqylamaǵan.
Polıtsııa 20 jastaǵy jigittiń qaıtys bolǵanyn rastady. Qazirgi ýaqytta atalǵan fakt boıynsha stomatologııalyq ortalyqta sotqa deıingi tergep-tekserý júrgizilip jatyr.
- Oqıǵaǵa baılanysty birqatar tergeý áreketteri taǵaıyndalǵan. Tergeý qorytyndysy boıynsha tıisti protsessýaldyq sheshim qabyldanady, - delingen habarlamada.
Buǵan deıin Shymkentte dárihanalardaǵy egý bólmelerinde 4 adam qaıtys bolǵan.
