Astanada Stalıngrad shaıqasynyń 70 jyldyǵy qurmetine ardagerlerge qurmet kórsetildi
Sharaǵa Stalıngrad túbindegi shaıqasqa qatysqan Uly Otan soǵysynyń ardagerleri, sondaı-aq qaladaǵy mektep oqýshylary shaqyryldy.
Astana qalasy Qorǵanys isteri jónindegi departamentiniń bastyǵy polkovnık Muqamedjan Talasov kezdesýge qatysýshylarǵa arnaǵan quttyqtaý sózinde ardagerlerdiń álemdi óte qaýipti jantúrshigerlik apattan alyp qalǵandyqtaryn, Jer sharynda mundaı alapat soǵystyń bolmaǵanyn atap ótti. Sondyqtan búgingi jas býynǵa Uly Otan soǵysy kezinde jasalǵan erlik árqashan úlgi-ónege bolyp qalatyndyǵyn jetkizdi.
Stalıngrad túbindegi shaıqas Uly Otan soǵysy kezindegi asa iri shaıqastardyń biri edi. 1943 jyldyń 2 aqpanynda tarıh qoınaýyna áıgili jeńis bolyp endi. Onyń nátıjesi ekinshi dúnıejúzilik soǵysty túbirinen ózgertti. Basqynshylardy Keńes Odaǵynyń aýmaǵynan jappaı qýý bastaldy.
Uly Otan soǵysy jyldarynda Qazaqstanda 50 áskerı bólim men 25 qurylym jasaqtaldy. Qazaqstandyq jasaqtardyń úshten biri Stalıngrad shaıqasyna qatysty. Olardyń arasynda Aqmola qalasynan attanǵan Qońdybaı Jeksembaev boldy. Ol 359-shy Qyzyl týly atqyshtar polki, 50-atqyshtar dıvızııasy, 8-armııanyń quramynda pýlemetshiler vzvodyn basqardy. I-II dárejeli «Otan soǵysy», «Qyzyl juldyz» ordenderiniń ıegeri.
- Osyndaı kezdesýlerge qatysqan jastar Uly Otan soǵysy týraly naqty málimetter alyp, ardager atalarynyń batyrlyǵynan úlgi-ónege alyp, súısinetin bolady. Al bul jas urpaq boıyna Otansúıgishtik qasıetin sińirýge óz septigin tıgizeri anyq, - dedi ardager aqsaqal óz sózinde
Muny jete túsingen Astana qalalyq Qorǵanys isteri jónindegi departamenti jastarǵa patrıottyq tárbıe berýge yqpaly zor osyndaı ıgi sharalardy jıi ótkizýge kúsh salyp keledi.
