Astanada Stalıngrad shaıqasyna qatysýshy ardagerlermen kezdesý ótti
ASTANA. Aqpannyń 2-si. QazAqparat /Gúlmıra Álıakparova/ - Búgin Astanadaǵy Prezıdenttik Mádenıet ortalyǵynda «Ardagerlerdi ardaqtaıyq» respýblıkalyq aktsııasynyń aıasynda Uly Otan soǵysynyń ardagerleri - Stalıngrad shaıqasyna qatysýshylarmen kezdesý ótti,
dep habarlaıdy QazAqparat.
1942 jylǵy shildeniń 17-si men 1943 jylǵy aqpannyń 2-si aralyǵynda Stalıngrad túbinde bolǵan shaıqas týraly áńgimeni oǵan qatysqan maıdangerlerdiń óz aýyzdarynan estý úshin kezdesýge Respýblıkalyq ulannyń kýrsanttary, Astana qalasynyń orta mektep oqýshylary, L.Gýmılev atyndaǵy Eýrazııa Ulttyq ýnıversıtetiniń stýdentteri jınaldy.
Prezıdenttik Mádenıet ortalyǵy dırektorynyń ǵylymı jumystar jónindegi orynbasary Shyrynbek Qoılybaevtyń aıtýynsha, 1941-45 jyldary soǵysqa 63 myńnan astam aqmolalyq attanǵan. Qazir Astanada 500-den astam ardager turady, olardyń 26-sy stalıngradtyqtar.
Ardagerlerdiń áńgimesin uıyp tyńdaǵan jastar, óz kezekterinde qarııalarǵa soǵys jaıynda ánder men óleńder oryndap berdi.
Aıta keteıik, Qazaqstan Prezıdenti óziniń ústimizdegi jylǵy el halqyna arnaǵan Joldaýynda, Uly Otan soǵysynyń qatysýshylary, soǵysqa qatysýshylarǵa teńestirilgender, soǵys jyldary qaza tapqan jaýyngerlerdiń ata-analary, men jubaılary men tyl eńbekkerleri Uly Jeńistiń 65 jyldyq mereıtoıyna oraı 65 myń teńge kóleminde birjolǵy materıaldyq kómek alatyndyǵyn atap ótti.
Sharany ótkizýshiler bul ıgi istiń bastamasy retinde qatysqan ardagerlerge 10 myń teńge kóleminde syıaqy tabys etti.
