Astanada sporttyq jýrnalıstıkany damytý máseleleri talqylanady
ASTANA. QazAqparat - Sáýirdiń 23-24 aralyǵynda «Qazmedıa Ortalyǵy» medıa-mektebinde «Sportty uıymdastyrýdaǵy marketıng pen baılanys. Sport jýrnalıstıkasyndaǵy jańa trendter» atty PR jáne sport marketıngi jaıynda semınar ótedi. Bul týraly UOK resmı saıty habarlaıdy.
Semınar otandyq sport jýrnalısterdi qoldaý men jetildirý, baspasóz-qyzmetteri, sport federatsııalar men uıymdardyń jumystaryn jaqsartý maqsatynda uıymdastyrylady. Bul sharany «Olımpıadalyq yntyqmaqtastyq» jobasynyń kómegimen Qazaqstan Olımpıada komıteti uıymdastyrady.
Atalmysh semınarda reseılik bedeldi sport jýrnalısteri men kommentatorlary sheberlik-sabaǵyn ótkizedi.
«Qazaqstan UOK prezıdentiniń bastamasymen bizdiń uıym barlyq baǵyt boıynsha yntymaqtastyq ornatpaq. Ásirese sport jýrnalıstıkasy men marketıng syndy basty salalardyń birinde. Qazirgi tańda olımpıadalyq sport túrleriniń kóbinde baspasóz qyzmeti men marketıng mamandary joq. Atalǵan mamandardyń komandada bolýy qanshalyqty mańyzdy ekenin túsindirgimiz keledi. Sonymen qatar, biz semınarǵa jýrfaktyń stýdentterin shaqyramyz. Eń bastysy, biz sport jýrnalıstıkasyna qatysty mańyzdy máselelerdi talqylap, tájirıbe almasamyz. Bul shara jýrnalıster arasynda qyzyǵýshylyq tanytsa, mundaı semınardy dástúrge aınaldyramyz», - dedi Qazaqstan UOK ókili Jiger Ázbergenov.
Astanada belgili jýrnalıst, sýǵa sekirýden olımpıada chempıony Elena Vaıtsehovskaıa, sport jýrnalısi jáne kommentator, boks sarapshysy Aleksandr Belenkıı, «Sport-Ekspress» gazetiniń sholýshysy, sport jaıly 19 kitaptyń avtory, «Aleksandr Shmýrnov pen Igor Rabıner sport jýrnalıstıkasy mektebiniń» jetekshisi jáne muǵalimi Igor Rabıner, telejúrgizýshi, «Pervyı kanal» arnasynyń sport kommentatory Vıktor Gýsev, reseılik telejúrgizýshi, sport kommentatory men tilshi Aleksandr Kýzmak, kommentator, eki dúrkin olımpıada chempıony (1984, 1988) Dmıtrıı Vasılev, reseılik sport fýnktsıoneri, jýrnalıst, telejúrgizýshi, sport kommentatory, Reseı Olımpıada komıtetiniń baspasóz-hatshysy Konstantın Vybornov jáne onyń áriptesi, ROK kommertsııa jáne marketıng bóliminiń basqarýshysy Dmıtrıı Manevıch syndy mamandar tájirıbesimen bólisedi.
Sondaı-aq, saladaǵy jańa trendtter men mobıldi sport jýrnalıstıkasy týraly belgili tilshi rá bloger Berik Sultan aıtyp beredi.
Konferentsııa «Qazmedıa Ortalyǵy» medıa-mektebi, jáne «Atameken Bussiness Channel» aqparattyq seriktes pen «Qazsport» telearnasynyń qoldaýymen ótedi.
