Astanada sporttyq gımnastıkadan qalalyq ashyq chempıonat bastaldy

Jarysqa jas sportshylar qatysýda. Elordanyń resmı saıtynyń jazýynsha, olardyń eń úlkeni 14 jasta bolsa, eń kishisi - 5-te. Medaldar sporttyq razrıadtarǵa sáıkes beriledi.

Eresekter razrıadynda jeńiske  alty jattyǵýdyń jıyntyǵynda 75 ball jınaǵan   astanalyq  Dmıtrıı Potanın jetti. Ekinshi jas ereksheligi boıynsha razrıadta  bárinen kóp upaı sanymen  (61,7)  astanalyq   Qaırat Qalymjan  alǵa shyqty. Onyń komandalas joldasy  Maksım Leshevıch  úshinshi eresekter razrıadynda 46,65  ball  jınap,  úzdik atandy.

Eń  kishkentaı qatysýshylar arasynda  bul joly jeńimpazdar jasóspirimderdiń úsh razrıadyna sáıkes anyqtaldy.  Birinshi orynǵa óziniń  tanys tirep sekirý jattyǵýy arqasynda 8 jasar  Vlad Gýk (Astana) shyqty. Alty jattyǵýdyń qorytyndysy boıynsha onyń upaı sany  - 56,05 ball boldy. Ekinshi jasóspirimder razrıadynda birinshi oryndy qostanaılyq  Robert Sıbogatov (7 jas) ıelense, pavlodarlyq  gımnast Maksım Kohanovskıı  odan sál keıin qalyp qoıdy.  Eń kishkentaılar arasynda úzdik nátıje kórsetken shymkenttik sportshy  Hasan Melehın boldy.