Astanada sporttyq bıden jarystar ótedi
ASTANA. QazAqparat - 14-15 sáýirde Astanada «ASTANA DANCE FEST» halyqaralyq bı baıqaýy aıasynda múmkindigi shekteýli jandar arasynda arbamen sporttyq bı bıleýden Qazaqstan Respýblıkasynyń chempıonaty jáne sporttyq bıden elordanyń ashyq chempıonaty ótedi.
Bul týraly Astana qalasynyń mádenıet jáne sport basqarmasy habarlaıdy.
Týrnırge elimizdiń óńirleri men qalalarynan, sondaı-aq, Reseı men Qyrǵyzstannan bıshiler qatysady. Arbamen bı bıleýden QR chempıonatynda «Jiger» sport klýbynyń 9 tárbıelenýshisi elordanyń namysyn qorǵaıdy. Sporttyq bıden Astana qalasynyń ashyq chempıonatynda №1 Olımpıadalyq rezervtegi mamandandyrylǵan balalar-jasóspirimder sport mektebiniń 18 sportshysy baq synasady.
Týrnır «Nazarbaev Ýnıversıtettiń» sport kesheninde ótedi. Jarystar senbi kúni saǵat 15:00-de saltanatty túrde ashylady.
