Astanada sporttyq bıden Silk Way-2016 álem kýbogy ótedi
ASTANA. QazAqparat - 10-12 maýsymda Oqýshylar saraıynda álemniń toǵyz memleketinen jáne elimizdiń óńirlerinen kelgen 500-ge jýyq bıshiler bas qosady. Bı festıvali úshinshi jyl qatarynan ótkizilip otyr, dep habarlaıdy elordanyń resmı saıty.
Silk Way-2016 sharasyna Reseı, Belarýs, Izraıl, Grýzııa, Koreıa, Ýkraına, Ózbekstan, Ázerbaıjan memleketteriniń bıshileri qatysady.
7-17 jastaǵy balalar kishi, orta jáne eresek toptarda cha-cha-cha, samba, vals jáne t.b. tanymal baǵyttar boıynsha óz ónerlerin ortaǵa salady.
«Bul - bizdiń eń úzdik jobalarymyzdyń biri. Biz balalardyń ónerin, shyǵarmashylyǵymyzdyń ereksheligin jáne qonaqtarymyzdan ne úırenetinimizdi kórsetpekpiz. Qazylar alqasynyń músheleri - tájirıbeli pedagogtar - horeografııalyq zaldarda balalar men bapkerlerge sheberlik synyptaryn ótkizedi», - dedi Oqýshylar saraıy dırektorynyń orynbasary Qymbat Іrgebaeva.
Festıval aıasynda sondaı-aq, halyq bılerinen konkýrs ótedi.
