Astanada sportty damytý salasyndaǵy yntymaqtastyq týraly memorandýmǵa qol qoıyldy
ASTANA. QazAqparat - Jaqynda Astanada fýtboldan Astana Mektep lıgasynyń úshinshi maýsymy aıaqtaldy, oǵan qalanyń 30-dan astam jalpy bilim beretin mektepteri qatysty. Kelesi mektep fýtbol maýsymy tek kelesi jyldyń kókteminde bolatynyna qaramastan, uıymdastyrýshylar oǵan belsendi daıyndyqty qazirden-aq bastap ketti.
Bul týraly Astana ákimdiginiń resmı saıty habarlady.
Búgin Dene shynyqtyrý jáne sport basqarmasy, Bilim berý basqarmasy jáne Astana fýtboly federatsııasy yntymaqtastyq týraly memorandýmǵa qol qoıdy, onyń negizgi mindeti astanada balalar fýtbolyn damytý bolyp tabylady. Yntymaqtastyq, onyń ishinde, fýtboldan Mektep lıgasy aıasyndaǵy yntymaqtastyq ta josparlanýda. Bul saıysqa qatysýshylar jyl saıyn tek chempıon laýazymy úshin ǵana emes, sondaı-aq sheteldik fýtbol akademııasynyń oqý-jattyǵý úrdisine qatysýǵa arnalǵan joldama úshin de kúresetinin aıta keteıik. Osylaısha, ótken jylǵy jeńimpazdar jıynda bolyp, Ispanııa men Túrkııada ótken halyqaralyq týrnırlerge qatysyp úlgerdi.
Kelesi maýsymda komandalar sanyn kóbeıtý jáne astananyń barlyq jalpy bilim berý mekemelerin fýtbolǵa tartý josparlanýda. Sonymen birge, bolashaqta ár bilim berý mekemesiniń janynan fýtbol sektsııalary ashylady, ol oqytý úderisiniń sapasyn jaqsartýǵa, oqýshylar úshin paıdaly demalys uıymdastyrýǵa jáne jas urpaqty sportpen shuǵyldanýǵa áýestenýine múmkindik beredi.
