Astanada sportshylar úshin Qazaqstandaǵy tuńǵysh reabılıtatsııalyq ortalyq ashyldy
ASTANA. QazAqparat - 4 mamyr kúni Astanadaǵy Ulttyq tennıs ortalyǵynda sportshylarǵa arnalǵan elimiz boıynsha alǵashqy «Atlant» reabılıtatsııalyq ortalyǵy ashyldy.
Ony burynǵy tennısshi ıÝrıı Şýkın basqarady, dep jazady vesti.kz.
Endi qandaı da bir jaraqat alǵan kásibı sportshylar emdelý úshin Qazaqstannan tysqary shyǵyp áýre bolmaıdy.
«Bul oıdy júzege asyrýdy eki jyl buryn ıÝrıı Şýkın maqsat etken bolatyn. Endi mine, ol oryndaldy. Árıne, bul endi bizdiń sportshylarymyzǵa qandaı da bir protsedýralardy alý úshin shetelge shyǵýǵa jumsaıtyn ýaqytyn da, qarjysyn da únemdeýge múmkindik beredi», - deıdi Qazaqstannyń tennıs qurama komandasynyń kapıtany Dıas Dosqaraev.
Ortalyqtyń esigi barlyq sportshylar úshin ashyq. Onyń ashylý saltanatyna sporttyq oıyndar túrleriniń jetekshileri men ókilderi, sondaı-aq atalmysh salaǵa qatysy bar mamandar men dárigerler keldi. Al Sport jáne dene shynyqtyrý agenttiginiń tóraǵasy Tastanbek Esentaev tipti keı protsedýralardan ózi bastap ótip kórdi. Sondaı-aq elimizdiń hokkeıshileri men tennısshileri de bul sharadan qur qalmady.
«Mundaı protsedýralar tennısshilerimizge ǵana emes, boksshylarymyzǵa da, hokkeıshilerimizge de, fýtbolshylarymyzǵa da, jeńil atletshilerimizge de asa qajet. Sebebi, bul jerde jaraqattanýdyń aldyn alatyn dıagnostıkalaý protsedýralary qarastyrylǵan. Ortalyq sportshylarǵa óziniń densaýlyǵyn, daıarlyǵyn az ýaqyt ishinde qalpyna keltirýge múmkindik beredi», - dep túıindedi sózin D.Dosqaraev.
