Astanada sport salasy qyzmetkerleri arasynda velojarys ótti
ASTANA. QazAqparat - Sport salasyndaǵy qyzmetkerlerdiń kásibı merekesin toılaý aıasynda jasyl beldeýdiń aýmaǵynda Sport kúnine arnalǵan velojarys ótti. Velojarysqa 250 adam qatysty, dep habarlaıdy elorda ákimdiginiń aqparat ortalyǵy.
Uıymdastyrýshylar atap ótkendeı, shara óskeleń urpaqty, jastardy sportqa, ásirese velosıped sportyna baýlý maqsatynda uıymdastyrylǵan jáne ol salamatty ómir saltyn nasıhattýǵa baǵyttalǵan.
Velojarystyń sońynda lotereıa bıletteri oınatyldy. Lotereıa oıynyna sporttyq sharaǵa qatysýshylarmen qatar kórermender de qatysty. Oıynǵa qatysqandarǵa turmystyq tehnıka syndy túrli qundy syılyqtar berildi. Bas syılyqqa velosıped syıǵa tartyldy.
Sport kúnin toılaý aıasynda erler men áıelder arasynda arqan tartysy boıynsha jarys ótti.
«Qýantarlyǵy, búginde buqaralyq sport damyp keledi, jastar, oqýshylar sportqa belsendi qatysýda. Sport tek symbatty deneni qalyptastyrýǵa kómektespeıdi, sondaı-aq myqty rýhtyń damýyna septigin tıgizedi», - dedi uıymdastyrýshylar.
Sportpen aınalysyp jatqan jastardyń qatary jyldan jylǵa artýda.
Arqan tartý boıynsha jarystyń qorytyndysy boıynsha 1-shi oryndy «Sport dırektsııasy» ıelendi, 2-shi orynǵa «Mereı» jáne 3-shi orynǵa «Jiger» komandasy laıyqty dep tanytldy.
Áıelder arasynda: 1 oryn - «Sport basqarmasynyń» komandasy, 2 oryn - «Dáýlet» komandasy, 3 oryn - «Dırektsııa» komandasy ıelendi.
