Astanada sport mektepterine balalar qabyldaý bastaldy
ASTANA. QazAqparat - Astanada balalardy sport mektepterine qabyldaý boıynsha ashyq esik kúni ótedi, dep habarlaıdy QazAqparat qala ákimdiginiń saıtyna silteme jasap.
18 tamyzda 10-nan keshki 17-ge deıin «Barys» sport kesheninde (Muńaıtpasov k-si, 9, «Qazaqstan» SK janynda) ashyq esik kúni ótedi. Sharaǵa kelýshiler Astana qalasynyń sport mektepterine balalardy qabyldaý týraly aqparat ala alady. Atalǵan shara Qazaqstanda tamyz aıynyń úshinshi jeksebisinde atalyp ótiletin Sport kúni qarsańynda uıymdastyrylady.
Astana qalasynyń mádenıet jáne sport basqarmasy barlyq elorda turǵyndaryn Ashyq esik kúni sharasyna shaqyrady. Munda Astananyń sport mektepterine balalardy qabyldaý sharttary, qajetti qujattar tizimi týraly aqparattar beriledi.
Astana qalasy ákimdiginiń balalar-jasóspirimder sport mektepteriniń jáne sport túrleriniń tolyq tizimi tirkelgen.
Elordanyń olımpıadalyq rezervtegi mektepterindegi memlekettik sporttyq sektsııalarǵa qabyldaý jyl saıyn tamyz-qyrkúıek aılarynda júrgiziledi. Qazirgi kezde Astanada kishkentaı astanalyqtar úshin 12 mekeme jumys isteıdi, onda 60-tan asa sport túrinen sportshylar daıyndalady. Sonymen qatar, 17 sport túrinen múmkindigi shekteýli balalar bilim alýda. Atalǵan mektepterde balalar aqysyz negizde oqytylady.
