Astanada Sport kúnine oraılastyrylǵan «Alaýpıada» ótti
ASTANA. QazAqparat - Sport kúni aıasynda Astanadaǵy «Alaý» muz aıdynynda «Alaýpıada» sharasy ótti. Buqaraǵa arnalǵan sporttyq shara Rıo-de-Janeıroda ótip jatqan Olımpıadanyń qurmetine de arnalyp otyr.
«Sharanyń maqsaty salaýatty ómir saltyn jáne buqaralyq sportty keńinen nasıhattaý bolyp tabylady. Búgin sport saraıyna kelýshiler rolıkti konkı men konkı teýip, badmınton oınady. Jazǵy demalys ýaqyttarynda «Alaý» sport ortalyǵy árqashan kelýshiler úshin esigin aıqara ashyp, aptasyna alty kún boıy halyqqa qyzmet etip keledi», - deıdi «Alaý» Muz aıdyny sprort saraıynyń menedjeri Olga Grıgoreva.
Onyń aıtýynsha, «Alaýpıada» aıasynda estafetalar kelýshiler úshin konkýrstar uıymdastyrylyp, sonymen qatar, otbasylarǵa arnalǵan kópsaıys chempıonaty ótetin bolady. «Alaýpıadanyń» jarqyn sátteriniń barlyǵy arnaıy shaqyrylǵan fotograftardyń kadrynan tys qalmaıdy.
