Astanada Sport kúnine oraı túrli buqaralyq sharalar ótedi
ASTANA. QazAqparat - Úsh kún boıy Astana qalasynda Sport kúnin atap ótý aıasynda qala turǵyndary men qonaqtary úshin túrli buqaralyq sport túrlerinen jarystar men qyzyqty estafetalar, sheberlik saǵattary ótkiziledi, dep habarlaıdy astana.kz.
Tamyzdyń 14-i kúni saǵat 09:00-de "Tolqyn" sport kesheninde 2002-2003 jyldary týǵan jasóspirimder arasynda bokstan týrnır ótse, saǵat 13:45-te "Barys" sport kesheninde shaıbaly hokkeıden balalar men jasóspirimder arasynda kórsetilim oıyny uıymdastyrylady. Keshki saǵat 18:00-de "Ǵashyqtar" saıabaǵynda túrli sportty sharalar ótkizilmek. Atap aıtqanda, turǵyndar kir tasyn kóterý, qol kúresi, asyq atý sekildi sport túrlerinen kúsh synasady. Al jekpe-jek ónerin unatatyn elordalyqtar kıokýshınkaı-kan karate, karate-do jáne qol jekpe-jeginen ótkiziletin kórsetilimderdi tamashalaı alady. Tamyzdyń 15-i kúni saǵat 09:00-den bastap "Barys" sport kesheninde barlyq qala turǵyndary konkı tebe alady. Sport kesheni aldyndaǵy alańda paýerlıftıng, strıtbol, kir tasyn kóterý, qol kúresi túrlerinen jarystar ótkiziledi. "Astanalyq" saıabaǵynda jastardyń qatysýymen «Fitness Palace Astana» boıynsha sheberlik saǵattary ótedi. Al saǵat 13:00-15:00 aralyǵynda "Jeruıyq" saıabaǵynda kórkem gımnastıka boıynsha kórsetilimder, "Atatúrik" saıabaǵynda darts boıynsha saıys, "Araı" saıabaǵynda bokstan jarys uıymdastyrylady. 16 tamyz kúni "Arýjan" SO aldynda dýmandy sharalar ótpek. Eske sala keteıik, Qazaqstanda Sport kúni QR Prezıdenti Nursultan Nazarbaevtyń Jarlyǵyna sáıkes 2003 jyldyń 15 qarashasynan bastap atalyp ótýde.
