Astanada Sport kúni keńinen atalyp ótti (FOTO)
ASTANA. QazAqparat - Tańsáriden sport kesheniniń aýmaǵyna jınalǵan elorda turǵyndary men qonaqtarynyń arasynda eresektermen qatar ata-anasyn qoldaýǵa kelgen balalardyń da qarasy kóp. Jarystyń ár qatysýshysy óz kúshi men dene daıyndyǵyn kórsetýge tyrysty, dep habarlaıdy Astana qalasy ІІD baspasóz qyzmetinen.
«Barys» sport kesheniniń aýmaǵy birneshe ýchaskege bólinip sporttyń strıtbol, armrestlıng, jatyp shtang kóterý, kir tasyn kóterý sııaqty sport túrlerinen qatysýshylar ózara baq synasty.
Sporttyń basym bóliginde astanalyq saqshylar ózderiniń basymdylyǵyn tanytty. Jatyp shtang kóterý men kir kóterýde úzdik komandalyq básekede polıtsııanyń jedel qımyldaıtyn arnaıy jasaǵy óz dene daıyndyǵynyń ushqyrlyǵyn taǵy bir márte dáleldedi. Kir tasyn kóterýde de osy jasaqtyń qyzmetkeri polıtsııa leıtenanty Aman Zýlgarın qarsylastaryn shań qaptyryp chempıon ataǵyn ıelendi. Ekinshi oryndy Astana qalasy ІІD jedel qımyldaıtyn arnaıy jasaǵynyń qyzmetkeri polıtsııa leıtenanty Oljas Jarmagambetov qanaǵat tutty. Al jatyp shtang kóterýde Saryarqa aýdany ІІB Krımınaldyq polıtsııa qyzmetkeri polıtsııa kapıtany Baýyrjan Kamalıev úzdik óner kórsetti.
Kúsh atasyn tanytatyn armrestlıng óz jankúıerlerine tamasha kórinis syılady. Osy jarysta aldyna jan salmaǵan ІІD JQAJ qyzmetkeri Denıs Vasılev absolıýtti chempıon atandy.
Sport kúnin atap ótý barysynda kontserttik baǵdarlamalar uıymdastyrylyp, mýzykanttar men ártister sharanyń kórigin qyzdyrdy. Júzden júırik shyqqandarǵa gramotalar, medaldar, kýboktar men baǵaly syılyqtar tabys etildi.
