Astanada sotty bolǵan jıyrmaǵa jýyq adam kásipker atandy
ASTANA. QazAqparat - Elordada jyl basynan beri buryn sotty bolǵan jıyrmaǵa jýyq adam tabysty jumys istep turǵan TQS, saýda orny, qurylys brıgadasy sııaqty shaǵyn kásibin ashty. Bul týraly Astana ákimdiginiń medıa ortalyǵyna «Ońtaılandyrý tehnologııalary men tujyrymdamalary» QQ-nyń dırektory Orynbasar Quljabaeva málim etti.
Onyń aıtýynsha, qańtar-qazan aılarynda Astanada túrmeden bosap shyqqan 1 240 azamatqa kómek kórsetilgen. Sotty bolǵan azamattar psıhologııalyq, medıtsınalyq kómek alyp, quqyqtyq qoldaýǵa ıe bolǵan.
«Abaqtydan shyqqan azamattar úshin jumysqa ornalasý sottylyqty óteýdiń mańyzdy sebepshisi bolyp tabylady. Osy sanattaǵy azamattarǵa arnalǵan jumys oryndaryn ashý, ıaǵnı kásipkerlik qyzmetti damytýdyń da mańyzy óte zor», - dep atap ótti O. Quljabaeva taqyrybynda qalalyq jumyspen qamtý, eńbek jáne áleýmettik baǵdarlamalar basqarmasynyń qoldaýymen qor uıymdastyrǵan «Bas bostandyǵynan aıyrý oryndarynan bosap shyqqan azamattarǵa arnalǵan kásipkerliktiń turaqty damýy» konferentsııasynda.
