Astanada sottalǵandar normadan tys jumys istep, eńbekaqysy ýaqtyly tólenbegen

ASTANA. KAZINFORM — Astana qalasynyń prokýratýrasy qylmystyq-atqarý júıesi mekemelerinde sottalǵandardyń eńbegin uıymdastyrý kezinde zańdylyqtyń saqtalýyna tekserý júrgizdi.

Tekserý barysynda eńbekaqynyń ýaqtyly tólenbeýi, sottalǵandarmen jeke eńbek sharttarynyń durys jasalmaýy, sondaı-aq jumysqa tartylǵan sottalǵandardy eńbek zańnamasynda kózdelgen jumys ýaqyty normasynan tys (táýligine 12 saǵattan artyq) paıdalaný derekteri anyqtaldy.

— Qadaǵalaý aktisi boıynsha 13 sottalǵanǵa Eńbek kodeksiniń 108-babyna sáıkes ústeme jumys ýaqyty úshin eńbekaqy tólendi. Eńbekaqy tóleý talaptaryn buzǵany úshin jaýapty laýazymdy tulǵalar Ákimshilik quqyq buzýshylyq kodeksiniń 87-baby boıynsha ákimshilik jaýaptylyqqa tartyldy. Sottalǵandardyń quqyqtaryn saqtaýǵa baǵyttalǵan qadaǵalaý is-sharalary jalǵasady, — delingen Astana qalasynyń prokýratýrasy taratqan aqparatta.

Buǵan deıin Qyzylorda oblysynda 100-den astam sottalǵan adam qoǵamdyq jumysqa tartylǵanyn jazdyq.