Astanada sot zalynda adam ómirin saqtap qalǵan prokýror marapattaldy

ASTANA. QazAqparat - Elorda prokýrory Bolat Dembaev ınternetti paıdalanýshylardyń kóptegen kommentarılerinen soń Almaty aýdany prokýratýrasynyń qyzmetkeri Nurlan Habdýlovty marapattady, dep habarlaıdy QazAqparat elorda sotynyń baspasóz qyzmetine silteme jasap.

28 maýsym kúni Almaty aýdandyq №2 sotynda zardap shekken Muhtar Sultanovtyń jer telimderine baılanysty alaıaqtyq áreket boıynsha ótip jatqan sot protsesi barysynda júıkesi juqarǵan M.Sultanovtyń aýrýy qozyp ketedi. Osy sátte prokýror Nurlan Habdýlov qyraǵylyq tanytyp, naýqas janǵa alǵashqy kómek kórsetip úlgeredi. Habdýlov alǵashqy medıtsınalyq kómek kórsetý tásilderin áskerı boryshyn ótep júrgen kezde úırengen bolyp shyqty.

Qazirgi tańda Muhtar Sultanov ambýlatorııalyq emdeýde jatyr.