Astanada sot qyzmetkerleri stýdenttermen júzdesti
ASTANA. QazAqparat - Astana qalasy Esil aýdandyq sotynda L.N.Gýmılev atyndaǵy Eýrazııa ulttyq ýnıversıteti stýdentteri úshin «Ashyq esik kúni» ótti, dep habarlady búgin Astana qalalyq sotynyń baspasóz qyzmeti.
Onda 50-den astam stýdent QR Joǵarǵy Sotynyń murajaıyn, sot otyrysy zaldaryn, sýdıalardyń jumys kabınetterin aralady, sonymen birge, dybys-beınetirkeý júıesiniń múmkindikterimen jáne aqparattyq tehnologııalarmen tanysty.
Sot tóraǵasynyń mindetin atqarýshy Rýslan Majıtov stýdenttermen kezdesýde sot tarıhy týraly, kásibı sýdıaǵa tán qasıetter, sot jumysyn tıimdi uıymdastyrý men sapasy týraly aıtyp berdi.
Kezdesý sońynda Rýslan Majıtov stýdentterdi óz bilimderin shyńdaýǵa jáne óz múmkindikterin damytýǵa shaqyrdy.
