Astanada sot buzý týraly sheshim shyǵarǵan 4 turǵyn úıdiń úsheýi ári qaraı salynatyn boldy

ASTANA. QazAqparat - Astana qalasynda sot sheshimen buzýǵa jiberilgen 4 úıdiń úsheýinde qurylys qaıta jalǵasatyn boldy. Qalǵan bir úıdi buzý týraly sot sheshimi áli qaralyp jatyr, dep habarlaıdy QazAqparat tilshisi.

Bul týraly Astana qalasynyń qalalyq orta sapasy jəne baqylaý basqarmasynyń redaktsııa saýalyna bergen jaýabynda aıtylǵan.

«Mars Project» JShS - Astana qalasy, «Almaty» aýdany, A. Baıtursynov jáne A84, A85 kósheleriniń qıylysy aýdanynda ornalasqan kiriktirilgen úı-jaılary men parkıngi bar kóppáterli turǵyn úı kesheni» - barlyq eskertýler joıylyp, ruqsat qujattary alyndy;

«Stroy Group kz-202» JShS – Astana qalasy, «Esil» aýdany, Sh.Aıtmatov jáne J.Moldaǵalıev kósheleriniń qıylysy aýdanynda ornalasqan «Lıssabon» kóppáterli turǵyn úı kesheni» - barlyq eskertýler joıylyp, ruqsat qujattary alyndy;

«Prom Stroı Garant KZ» JShS – Astana qalasy, «Almaty» aýdany, A. Baıtursynuly, T. Júrgenov jáne №23-16 kósheleriniń qıylysynda ornalasqan «Satýrn» kóppáterli turǵyn úı kesheni» - barlyq eskertýler joıylyp, ruqsat qujattary alyndy», - dep jazylǵan jaýapta.

Al «Almaty» aýdanyndaǵy Sh.Qaldaıaqov jáne Q. Ázirbaev kósheleriniń qıylysynda ornalasqan «Kóppáterli turǵyn úı keshenin» («Global Millennium» JShS) buzý máselesi áli sotta qaralyp jatqany aıtylǵan. Ákimdiktiń málimetinde bul nysanda úleskerler joq dep kórsetilgen.

Buǵan deıin Astanada 47 qurylys kompanııasy «qara tizimge» engenin jazǵan edik.