Astanada sot áıelin órtep jibergen Q.Sádýovti 18 jylǵa sottady
ASTANA. QazAqparat - Astana qalasy Qylmystyq is jónindegi mamandandyrylǵan aýdanaralyq sotynyń úkimimen Qanat Sádýov QR QK 99-baby 2-bóligi 5-tarmaǵynda (asa qatigezdikpen kisi óltirý) kózdelgen qylmysty jasaǵany úshin aıypty dep tanyldy. Oǵan qatań rejimdegi túzetý kolonııasynda jazasyn óteýmen, 18 jylǵa bas bostandyǵynan aıyrý jazasy kesildi.
Sot Qanat Sádýovtiń 2015 jylǵy mamyrda Astanada №25 mekteptiń mańynda burynǵy áıeli Svetlana Sádýovanyń ústine benzın quıyp, órtep jibergenin anyqtady. Alynǵan kúıik saldarynan jábirlenýshi aýrýhanada kóz jumdy.
Usynylǵan dálelder jıyntyǵyn baǵalap, sot sottalýshy qasaqana óltirý áreketin jasaǵan degen tujyrymǵa keldi.
Úkim zańdy kúshine engen joq.
