Astanada sorǵy-súzgish stansasynda órt shyqty
ASTANA. QazAqparat - Búgin Astanada sorǵy-súzgish stansa aýmaǵynda órt shyqty, dep habarlady elordalyq TJD baspasóz qyzmeti. І.Jansúgirov kóshesinde ornalasqan stansa aýmaǵy tutap jatqandyǵy týraly shaqyrtaý 6 qyrkúıekte saǵat 11:58-de oryn aldy.
«Qurylys jumystary júrgizilip jatqan ashyq aýmaqta plastıkalyq qubyrlar órtengen. Jalyn 100 sharshy metr alańdy sharpydy. Órt bólimshesi aqparat alǵannan keıin 5 mınýt ishinde jetti. Tilsiz jaý 12:21-de aýyzdyqtaldy. Jumys áli de jalǵasýda. Qurbandar men zardap shekkender joq», - delingen habarlamada.
Foto: Tımýr Asylhanov
