Astanada sońǵy bir aptada qylmys deńgeıi 38,2 paıyzǵa tómendegen
ASTANA. QazAqparat - Astana qalasy ákimdiginde qala ákimi Áset Isekeshevtiń tóraǵalyǵymen qala ómiriniń ózekti máselelerin talqylaýǵa arnalǵan kezekti keńes otyrysy ótti, dep habarlaıdy QazAqparat astana.gov.kz saıtyna silteme jasap.
Ákim orynbasary Sergeı Horoshýn úlestik qurylys nysandarynyń aǵymdaǵy jaı-kúıi jáne ondaǵy máseleler jóninde aıtty. Sońǵy aptada VAK otyrystarynda 24 nysan qaralǵan, keıbirinde TQK nysandaryna baryp kezdesýler ótkizilgen. Budan basqa, «Azbýka jılıa» kompanııasynyń máselesin sheshý úshin jumystar júrgizilýde. «Orda Injınırıng» JShS basqarýshy kompanııasyna «Garant» TK qujattarynyń tolyq jınaǵy usynylǵan. «Nurly jer» baǵdarlamasyna qatysý úshin «Elorda» qurylys kompanııasy» JShS men ýákiletti uıym sheńberinde shart jasasqan. Atalmysh nysannyń qurylysyn aıaqtaý «Grant Ýspeh» TK músheleriniń tolyq jınalysynda anyqtalady.
Jıyn barysynda ІІD bastyǵy Marat Qojaev qaladaǵy qaýipsizdik jáne qaýipsizdik deńgeıin arttyrý týraly baıandady. Ótken aptada qylmys 38,2% tómendegen. «Sergek» júıesiniń arqasynda bir aptada 14 105 quqyq buzýshylyq tirkelgen, onyń 12 myńnan astamy óndelip, 40 mln tengeden astam aıyppul óndirilgen.
Sonymen qatar, keńes barysynda kúzgi-qysqy maýsymǵa daıyndalý barysy pysyqtaldy. Qys mezgili jaqyndaǵanda turǵyndar tarapynan qatty otynǵa suranys artady, ol óz kezeginde kómir baǵasyn arttyrýy múmkin. Ol úshin tıisti mekemeler qala turǵyndaryna qys qamyna erterek daıyndyq júrgizý kerektigin eskertý kerek.
Sondaı-aq, qoǵamdyq kólik salasyndaǵy máseleler talqylandy. Ótken aptada kóliktik kartany paıdalanýshylardyń úlesi shamamen 90% artqan, bul qolma-qol aqshamen tóleýdi azaıtqan. Bul júıe osy salanyń ashyqtyǵyn qamtamasyz etedi.
Keńestiń qorytyndysy boıynsha qala ákimi ýákiletti organ basshylaryna qala tirshiliginiń ózekti máselelerin anyqtap, olardy sheshý joldaryn usynýdy tapsyrdy.
