Astanada somasy 3 mln teńgeni quraıtyn esirtki partııasy tárkilendi
ASTANA. QazAqparat - Astana polıtseıleri somasy 3 mln teńgege jýyq esirtki partııasyn tárkiledi.
«2015 jyly 12 qarashada jedel-izdestirý sharalary kezinde Astana qalalyq ІІD esirtki bıznesine qarsy kúres basqarmasynyń qyzmetkerleri elorda aýmaǵyna esirtki jetkizip, satty degen kúdikpen birneshe tulǵany ustady.
Jedel-izdestirý sharalary kezinde elordalyq saýda úıleriniń biriniń kólik turaǵynda Aqmola oblystarynyń turǵyndary - 32 jastaǵy «P» azamaty men 31 jastaǵy «Sh» azamaty ustaldy. Olar aǵymdaǵy jyly 12 qarashada salmaǵy 38 kelini quraıtyn «marıhýanany» astanaǵa ákelip, ony satpaq bolǵan», - dep habarlady Astana q. ІІD baspasóz qyzmetinde.
Polıtseılerdiń aqparatynsha, tárkilengen esirtki partııasynyń quny shamamen 3 mıllıon teńgeni quraıdy.
Atalǵan fakt sot aldyndaǵy tergeýdiń birińǵaı reestrine engizildi. QR QK 296 baby boıynsha qylmystyq is qozǵaldy.
Qazir ustalǵandar Astana q. ІІD ýaqytsha ustaý oqshaýlaǵyshyna qamaldy.
Tergeý amaldary júrgizilip jatyr.
