Astanada Soltústik Qazaqstan oblysynyń mádenıet kúnderi ótedi
ASTANA. QazAqparat - 24-31 tamyz aralyǵynda Astanada EKSPO-2017 halyqaralyq mamandandyrylǵan kórmesiniń aıasynda Soltústik Qazaqstan oblysynyń mádenıet kúnderi ótedi.
SQO-nyń Mádenıet kúnderi sharasynyń ashylý rásimi men «Esil óńiriniń juldyzdary» atty kontsert qalalyq alańda 24 tamyz kúni ótedi.
21-31 tamyz aralyǵynda etnoaýylda óńirdiń dekoratıvti-qoldanbaly óner sheberleriniń kórmesi ótedi.
QR Ulttyq muraǵatynda kelem deýshilerdiń barlyǵy «EKSPO-2017: Qazaqstannyń jańa tarıhı belesi» atty kórmeni 24-26 tamyz aralyǵynda saǵat 11-00-den 18-00-ge deıin kóre alady.
Sonymen qatar etnoaýyldyń aımaǵynda «Atameken, babalar jeri» atty mýzeı kórmesi ótedi.
Oblystyq teatrynyń ártisteri somdaıtyn B.Qulynshaqov pen E.Permıakovtyń «Dalanyń aqquba qyzy» atty spektaklin Astana qalasynyń qýyrshaq teatrynda tamyzdyń 24-25 aralyǵynda saǵat 10-00-den 12-00 aralyǵynda tamashalaýǵa bolady.
