Astanada «Solıster akademııasy» memlekettik kameralyq orkestriniń jańa kontsert maýsymy ashylady
ASTANA. 12 qazan. QazAqparat - Búgin Qazaq ulttyq óner ýnıversıtetiniń organ zalynda Motsarttyń orkestr men skrıpkaǵa arnalǵan shyǵarmalarynyń tolyq jınaǵymen Astana fılarmonııasynyń «Solıster akademııasy» memlekettik kameralyq orkestri óziniń jańa kontserttik maýsymyn ashady.
Bul týraly óner ordasynyń baspasóz qyzmetinen habarlady.
Ujymnyń kórkemdik jetekshisi - QR halyq ártisi Aıman Musaqojaeva, orkestrdiń bas dırıjeri - QR eńbek sińirgen qaıratkeri Baqytjan Musaqojaeva.
Avstrııalyq ataqty kompozıtordyń shyǵarmalaryn kórermenderge Reseı halyq ártisi, Máskeý konservatorııasynyń jáne Helsınkıdegi (Fınlıandııa) Sıbelıýs atyndaǵy akademııanyń professory Aleksandr Vınnıtskıı (skrıpka) tartý etedi. Dırıjeri - Gennadıı Rojdestvenskıı syılyǵynyń laýreaty Ilıa Gaısın (Reseı).
Baǵdarlama eki óner keshine - 12 jáne 14 qazandaǵy kontsertterge ulasady.
Sondaı-aq kontsertke Reseıdiń eńbek sińirgen ártisi Mıhaıl Bereznıtskıı (alt) qatysady.
