Astanada soǵym maýsymynda et baǵasy qymbattamaıdy
ASTANA. QazAqparat - Bas qalada soǵym maýsymynda sıyr etiniń baǵasy 1 350 teńgeden aspaıdy, dep habarlaıdy elorda ákimdiginiń medıa ortalyǵy Astana qalasynyń Aýylsharýashylyq basqarmasyna silteme jasap.
Astanada et baǵasyn turaqtandyrý maqsatynda iri taýar óndirýshilerimen kommýnaldyq bazarǵa sıyr etin bekitilgen baǵamen tikeleı jetkizý boıynsha kelisim sharttar jasaldy.
«Atalǵan kelisim sharttar sheńberinde sıyr etiniń aldyńǵy jaýyryn bóligin satyp alý baǵasyn (1300tg/kg) jáne bólshek satý baǵasyn (1350tg/kg) belgileýge múmkindik berdi. Sonymen birge, Aqmola oblysynyń Tselınograd aýdany óndirýshileriniń qatysýymen aýylsharýashylyq jármeńke uıymdastyryldy. Onda sıyr etiniń baǵasyn 1300tg/kg bekitilgen», delingen Aýylsharýashylyq basqarmasy taratqan aqparattyq habarlamada.
Aıta keteıik, elordada azyq-túlik baǵasyn turaqtandyrýǵa onyń ishinde et baǵasyn retteýge qalada apta saıyn ótkizilip jatqan aýylsharýashylyq jármeńkeleri septigin tıgizip jatyr.
Aǵymdaǵy jyldyń naýryz aıynan búginge deıin Astanada 64 aımaqtyq aýylsharýashylyq jármeńkesi ótkizilip, onda 27 440 myń tonna ónim satyldy. Qala ákimdigi atalǵan jármeńkeni qarasha aıynyń sońyna deıin ótkizýdi kózdep otyr.
