Astanada soǵystyń sońǵy ardageri Rzaǵul Baıkeshev dúnıeden ótti
ASTANA. KAZINFORM — Uly Otan soǵysynyń qatysýshysy, Astanadaǵy sońǵy maıdanger Rzaǵul Baıkeshev 103 jasta dúnıeden ótti.
Qorǵanys mınıstrliginiń habarlaýynsha, is-shara Qurmet qaraýyl rotasy men Áskerı orkestrdiń qatysýymen ótti. Ardagerdi aqtyq saparǵa shyǵaryp salý barysynda janaza namazy oqyldy.
Rzaǵul Baıkeshev 1923 jyly 18 qazanda Aqtóbe oblysynyń Muǵaljar aýdanynda dúnıege kelgen.
Keńes áskeri quramynda Rjev túbindegi shaıqastarǵa, Velıkolýksk shabýyl operatsııasyna, Polsha men Vengrııany azat etýge qatysyp, Jeńisti Berlınde qarsy aldy.
Rzaǵul Baıkeshevtiń sońǵy sapary Aqmola oblysynyń Qabanbaı batyr aýylynda (burynǵy Rojdestvenka) ótti. Ardager osy jerde uzaq jyldar boıy sovhozda ekspedıtor bolyp eńbek etken. Jeńis sarbazynyń qurmetine salıýt komandasy qarýdan úsh dúrkin salıýt atty.
Ardagermen qoshtasýǵa Qorǵanys mınıstrliginiń ókilderi, Astana máslıhatynyń hatshysy Zeınulqabden Tabıǵat, Astana qalasy Almaty aýdanynyń ákimi Rústembek Táýekelov, Aqmola garnızony áskerı bólimderiniń komandırleri, ardagerler uıymdarynyń ókilderi, sondaı-aq ardagerdiń týǵan-týystary men jaqyndary qatysty.
Eske salaıyq, pavlodarlyq soǵys ardageri Sergeı Vyjýtovıch 100 jasqa kelgenin jazǵanbyz.
