Astanada «Soǵym-FEST» bastaldy: etti deldalsyz satyp alýǵa bolady
ASTANA. KAZINFORM — Elordada Qazaqstan Respýblıkasy Saýda jáne ıntegratsııa mınıstrliginiń qoldaýymen «Soǵym-FEST» et jármeńkesi ótip jatyr. 7 jáne 8 qarasha kúnderi Astana turǵyndary otandyq sharýalardan et ónimderin deldalsyz, qoljetimdi baǵamen satyp ala alady.
Jármeńkege Aqmola, Abaı, Qaraǵandy, Pavlodar jáne elimizdiń basqa da oblystarynan kelgen aýyl sharýashylyǵy taýaryn óndirýshiler qatysyyp jatyr. Joba aıasynda 1 000 tonnadan astam et ónimin satý josparlanǵan.
Jármeńke otandyq aýyl sharýashylyǵy taýaryn óndirýshilerdi qoldaýǵa, ónimdi tikeleı ótkizý arnalaryn damytýǵa jáne halyq úshin azyq-túlik taýarlarynyń qoljetimdiligin arttyrýǵa baǵyttalǵan.
Bul shara 7 jáne 8 qarasha kúnderi saǵat 09:00-den 19:00-ge deıin elordanyń úsh saýda alańynda ótedi:
• «Keruen Joly» saýda ortalyǵy - Alash tasjoly, 35B;
• «Et Álemi» saýda ortalyǵy - Alash tasjoly, 31/1;
• «Jurt» saýda ortalyǵy - Beıbarys Sultan kóshesi, 3.
Aldaǵy ýaqytta «Soǵym-FEST» jármeńkesin ár demalys saıyn ótkizý, sondaı-aq elorda tájirıbesin Qazaqstannyń basqa óńirlerine taratý josparlanǵan.
