Astanada SOBR qyzmetkerlerine shabýyl jasaldy: polıtsııa is qozǵady

ASTANA. KAZINFORM – Áleýmettik jelide Astanada Jedel áreket etý arnaıy jasaǵy (SOBR) qyzmetkerleriniń soqqyǵa jyǵylǵany týraly aqparat tarady.

Áleýmettik jelide jarııalanǵan málimetke sáıkes, 21 qańtar kúni birneshe jigit elordadaǵy Esil aýdandyq polıtsııa bólimine kelip, jedel qımyldaıtyn jasaq qyzmetkerlerine shabýyldap, denesin jaraqattap, oqıǵa ornynan qashyp ketken.

Bul oqıǵaǵa qatysty qalalyq polıtsııa departamenti túsinikteme berdi:

— Atalǵan fakt boıynsha Polıtsııa departamenti qylmystyq is qozǵady. Qazirgi ýaqytta tergeý amaldary júrgizilýde, onyń nátıjesi boıynsha protsessýaldyq sheshim qabyldanady. QR QK 201-babyna sáıkes, basqa málimetter jarııalanbaıdy, — dep habarlady polıtsııa ókilderi.

Buǵan deıin Pavlodarda zeınetkerge shabýyl jasaǵan er adamnyń qolǵa túskeni habarlanǵan edi.