Astanada SMS arqyly jolaqy tóleı alatyn uıaly baılanys abonentteriniń sany artty
ASTANA. QazAqparat - Altel jáne Tele2 abonentteri Astana avtobýstarynda jolaqyny SMS arqyly tóleý múmkindigine ıe boldy, dep habarlaıdy QazAqparat.
«Eger buryn SMS tólem arqyly jol júrý tek Activ/Kcell, Beeline abonentteri úshin qoljetimdi bolsa, jolaýshylarǵa yńǵaıly bolý úshin baılanys operatorlarynyń tizimin keńeıttik. Endi Altel jáne Tele2 abonentteri SMSBUS qyzmetin paıdalana alady», - delingen «Astana LRT» JShS saıtynda.
Esterińizge sala keteıik, jolaqysyn SMS arqyly tóleý úshin «2505» qysqa nómirine avtobýstyń kodyn jiberý kerek. Tıisti kodty avtobýs salonyndaǵy japsyrmalardan tabýǵa bolady. Jolaýshynyń telefonyna SMS-pen elektrondyq chek keledi. SMSBUS qyzmeti arqyly tólengen jaǵdaıda jol júrý quny 90 teńgeni quraıdy.
Aıta keteıik, búginde elordanyń qoǵamdyq kólikterinde jolaqy tóleýdiń birneshe túri bar. Olardyń eń keń taraǵany - elektrondyq kartalar. Tólemniń bul ádisin jolaýshylardyń 93% paıdalanady.
Sondaı-aq QR-kodty skanerleý arqyly kelesi mobıldik qosymshalar kómegimen tóleýge bolady:
1) Homebank (HalykBank jáne Qazkom kartalary arqyly ǵana).
2) SMSBUS (telefondaǵy balans nemese bank kartasy arqyly tóleýge bolady; kez kelgen bank kartasyn baılanystyrýǵa múmkindik bar).
3) My Beeline (Beeline abonentteri úshin qolaıly. Jolaqysy telefon balansynan tólenedi).
4) OYBY (bank kartasymen tóleý. Kez kelgen bank kartasyn baılanystyrýǵa múmkindik bar. OYBY úshin avtobýs salonynda jeke QR-kod japsyrmalary jazýly).
5) SENIM mobıldik qosymshasy. Jolaqyny kez kelgen bank kartochkasynan tóleýge bolady.
