Astanada skverge ІІ Elızaveta patshaıymnyń esimin berý usynyldy

NUR-SULTAN. QazAqparat – Nur-Sultan qalasynda shaǵyn saıabaqqa Ulybrıtanııa patshaıymy ІІ Elızavetanyń esimin berý usynyldy, dep habarlaıdy QazAqparat tilshisi.

«Qabanbaı batyr dańǵylyndaǵy «Saltanat saraıy» kesheni men The St. Regis Astana qonaq úıi arasynda ornalasqan ataýsyz skverge Ulybrıtanııa jáne Soltústik Irlandııa birikken koroldiginiń patshaıymy ІІ Elızaveta esimin berý usynylyp otyr. Atalǵan usynys QR Syrtqy ister mınıstrliginiń tarapynan ekijaqty dıplomatııalyq baılanysty nyǵaıtý maqsatyn kózdeıdi», - dedi Nur-Sultan qalasy tilderdi damytý jáne arhıv isi basqarmasynyń basshysy Sáken Esirkep máslıhat otyrysynda jasaǵan baıandamasynda.

Sonymen qatar elordadaǵy Syrtqy ister mınıstrligi ǵımaratynyń aldynda ornalasqan ataýsyz alleıaǵa memleket jáne qoǵam qaıratkeri, pýblıtsıst, dıplomat Názir Tórequlovtyń esimin berý boıynsha usynys jasaldy.

Buǵan deıin elordadaǵy birqatar bilim oshaǵyna elimizge tanymal tulǵalardyń esimin berý usynysy týraly habarlaǵan edik.