Astanada SQO men Pavlodar oblysynyń aýyl sharýashylyǵy jármeńkesi ótedi

ASTANA. KAZINFORM – 18-19 qazan kúnderi saǵat 9:00-den 18:00-ge deıin «Qazanat» ıppodromynyń avtoturaǵynda (Qarqaraly tasjoly, 1) Soltústik Qazaqstan jáne Pavlodar oblystarynan kelgen taýar óndirýshileri qatysatyn aýyl sharýashylyǵy jármeńkesi uıymdastyrylady, dep habarlaıdy elorda ákimdiginiń resmı saıty.

Jármeńkede 190-nan astam aýyl sharýashylyǵy taýar óndirýshileri men qaıta óńdeý kásiporyndary óz ónimderin usynady.

Astanalyqtar men qala qonaqtarynyń nazaryna 1 300 tonnadan astam ekologııalyq taza jáne sapaly azyq-túlik ónimderi usynylady: barlyq túrdegi et, shujyq jáne konservi ónimderi; sút jáne sút ónimderi, ulttyq sýsyndar; balyq pen bal ónimderi; un, makaron jáne kondıterlik ónimder; kókónis, kartop, baqsha daqyldary jáne basqa da taǵam túrleri.

Barlyq ónimder qoljetimdi baǵada satylady.

- Jármeńkege Pavlodar oblysynyń iri kásiporyndary men sharýa qojalyqtary – «Pobeda» JShS, «Galıtskoe» JShS, «Tabys» ShQ, «BEST MILK» JShS, «EKO DOM» JShS, «KEMMI» JShS, «Mıaskom» JShS qatysady.

Soltústik Qazaqstan oblysynan et, sút jáne kondıterlik ónim óndirýge mamandanǵan 110-nan astam kásiporyn óz ónimderin ákeledi. Jalpy jetkiziletin ónim kólemi 1,3 myń tonnadan asady.

Іs-shara barysynda elorda turǵyndary men qonaqtary aımaqtyq shyǵarmashylyq ujymdardyń qatysýymen ótetin kontserttik baǵdarlamany tamashalaı alady, - delingen aqparatta.

Kelýshilerdiń yńǵaılylyǵy úshin jármeńke ótetin orynǵa №18, №37 jáne №303 baǵytyndaǵy avtobýstar qatynaıdy.

Aıta keteıik, Almatyda demalystaǵy jármeńkelerge aptasyna 50 myńǵa jýyq adam keledi.