Astanada «Іsker» syılyǵynyń ıegerleri marapattaldy
Búgin elordada «Altyn sapa» ulttyq syılyǵyn tabystaý aıasynda «Atameken» UKP arnaıy syılyǵynyń jeńimpazdary marapattaldy, dep habarlaıdy Kazinform.
Bul rette óz taýary men qyzmetteriniń sapasyn jaqsartý úshin eń jaqsy sheshimderdi taýyp, solardy qoldanýǵa tyrysqan kompanııalarǵa «Іsker» syılyǵynyń músinshesi tabystaldy.
Atap aıtqanda, osy arnaıy syılyqty Qyzylorda oblysyndaǵy «Asyl dán LTD» JShS aldy.
Bul kompanııa kúrish dánin óńdeý salasynda paıdaly zattardy 50%-ǵa kóbirek saqtaýǵa, sondaı-aq ónimniń jaramdylyq merzimin eki esege arttyrýǵa múmkindik beretin ınnovatsııalyq tehnologııany qoldanyp keledi.
«Іsker» syılyǵynyń kelesi nomınanty — Soltústik Qazaqstan oblysyndaǵy SMBGROUP Family kompanııasy.
Kásiporyn Petropavl qalasynda polıpropılen ydystaryn óndirýmen aınalysady.
Munymen qosa, «Іsker» syılyǵynyń ıegerleri qatarynda myna kásiporyndar bar: ULY DALA JShS, «AzııaAgroFýd» aktsıonerlik qoǵamy, «Abylaı — Han» JShS (Atyraý oblysy), «JAKKO QARAǴANDY» kompanııasy, «City Stone» JShS, «Alexey Sultan Akhmet» kompanııasy (Qyzylorda oblysy), «Aq Erke ı K» JShS (Qostanaı oblysy), «Aurora Minerals Group» kompanııasy, «Kondensat» AQ (BQO), «SWEET Ideas — KZ» JShS (Shymkent).
