Astanada sırııalyq oppozıtsııamen kelissóz nátıjesi boıynsha qorytyndy qujatqa qol qoıyldy
ASTANA. QazAqparat - Sırııalyq oppozıtsııa ókilderiniń kópshiligi Astanada ótken kelissózder nátıjesi boıynsha qorytyndy qujatqa qol qoıdy, dep habarlady RIA Novostı Soltústik jáne Ońtústik Amerıkada plıýralıstik qoǵam úshin qozǵalys ókili Bassam Bıtarǵa silteme jasap.
«Sırııa oppozıtsııalyq top ókilderiniń basym bóligi kelissóz nátıjesi boıynsha qorytyndy qujatqa qol qoıdy», - dedi B. Bıtar.
Ol qaı oppozıtsııalyq top qujatqa qol qoımaǵanyn, týyndaǵan kelispeýshilikterdiń sebepterin naqtylamady.
Dúısenbide Astanada sırııalyq oppozıtsııanyń túrli toptarymen kelissózdi bastaǵan. Barlyǵy 30 adam, olar Sırııa oppozıtsııasynyń túrli kúshteriniń basshylary men ókilderi, sondaı-aq azamattyq qoǵam ókilderi men táýelsiz oppozıtsıonerler. Úkimettik delegattar konsýltatsııaǵa qatyspaıdy.
