Astanada Sırııadaǵy qaýipsiz aımaqtary týraly kelisim rásimdelýi múmkin

ASTANA. QazAqparat - QR Syrtqy ister mınıstrligi Azııa jáne Afrıka departamentiniń dırektory Aıdarbek Tumatov Sırııadaǵy jaǵdaıdy retteýge arnalǵan kelissózderdiń keıbir tustaryn ashyp berdi, dep xabarlaıdy QazAqparat tilshisi.

"Sırııadaǵy qarýly oppozıtsııanyń ókilderi ketip qaldy. Óıtkeni olardyń búginge josparlanǵan barlyq kezdesýleri aıaqtaldy. Oppozıtsııa ókilderi BUU Bas xatshysynyń Sırııa boıynsha arnaıy ókili Staffan de Mıstýramen, sondaı-aq AQSh ókilderimen júzdesti. Barlyq sharalar oıdaǵydaı atqarylyp jatyr. Erteń oppozıtsııa kelissózderge taǵy da qatysady", - dedi Týmatov jýrnalısterge berge suxbatynda.

Onyń aıtýynsha, kelissózder kezinde reseılik delegatsııanyń jańa bastamasy - qaýipsiz aımaqtar týraly memorandýmdy ázirleý máselesi pysyqtalyp jatyr. "Erteń barlyq taraptar ol qujatty rásimdeıdi dep senemiz. Atalǵan kelisimge qaýipsizdikke kepildik beretin memleketter (Reseı, Iran men Túrkııa - avt.) qol qoıady. Olar rásimdese, basqalary da oryndaýǵa mindetti bolady", - dep atap kórsetti departament basshysy.

Budan bólek, áskerı qımyldardy toqtatý jáne tutqyndardy ózara aıyrbastaý máselesi tóńiregindegi kelissózder qatar júrgizilip keledi. Alaıda naqty qujattyń qaı ýaqytta qabyldanatyny belgisiz. Ázirshe, qarýly oppozıtsııa eshqandaı talaptardy qoıyp otyrǵan joq.