Astanada Sırııa boıynsha kezekti halyqaralyq kezdesý ótýde
ASTANA. KAZINFORM - Astanada Sırııadaǵy jaǵdaıdy retteýge arnalǵan Astana protsesi aıasyndaǵy halyqaralyq kelissózderdiń 22-shi raýndy bastaldy. Bul týraly SІM habarlady.
Bul kezdesýge qatysý úshin Qazaqstan elordasyna 11 delegatsııa keldi. Sırııa Úkimetiniń kelissóz tobyna Syrtqy ister jáne ekspatrıanttar isteri jónindegi mınıstrdiń orynbasary Aıman Raad jetekshilik etse, Sırııa oppozıtsııasy atynan Ahmad Toma basshylyq etýde.
Sonymen qatar kezdesýge kepilger elderdiń delegatsııalary qatysýda: Reseı delegatsııasyn Sırııadaǵy jaǵdaıdy retteý boıynsha RF Prezıdentiniń arnaıy ókili Aleksandr Lavrentev, Túrkııa delegatsııasyn TR SІM-niń Ekijaqty saıası qatynastar jónindegi bas dırektory Mýstafa ıÝrdakýl, al Iran delegatsııasyn IIR SІM-niń Arnaıy saıası máseleler jónindegi kómekshisi Alı Asgar Hadjı basqarýda.
Kelissózderge baqylaýshy retinde Iordanııa, Lıvan jáne Irak ókilderi, sondaı-aq halyqaralyq uıymdar – Birikken Ulttar Uıymy, BUU-nyń Bosqyndar isteri jónindegi joǵarǵy komıssarynyń basqarmasy jáne Qyzyl Krest ókilderi qatysýda.
Buǵan deıin habarlanǵandaı, 11-12 qarashada delegatsııalardyń ekijaqty jáne úshjaqty konsýltatsııalary ótedi, olardyń qorytyndysy retinde delegatsııa basshylarynyń qatysýymen plenarlyq otyrys pen baspasóz konferentsııasy ótedi.
