Astanada sıntetıkalyq esirtki óndiretin qoıma tabyldy

ASTANA.KAZINFORM - Іshki ister mınıstrligi «Zań men tártip» qaǵıdaty boıynsha jumysty jalǵastyryp jatyr, – dep habarlaıdy Polisia.kz.

Tájirıbe kórsetkendeı, esirtki taratýshylar sıntetıkalyq esirtki quraldary men psıhoaktıvti zattardy jasyryn óndirýdi uıymdastyrý úshin ártúrli hımııalyq prekýrsorlardy paıdalanady. Olardy satyp alý, saqtaý jáne tasymaldaýdyń jasyryn shemalaryn qoldana otyryp, qaskúnemder azamattardyń ómiri men densaýlyǵyna asa qaýipti «mef» jáne «jyldamdyq» dep atalatyn esirtkilerdi óndirýdi jolǵa qoıýǵa tyrysady. Osylaısha, Astanada polıtsııa jedel-izdestirý jáne arnaıy is-sharalar keshenin júrgizý nátıjesinde garaj kooperatıvinde jalpy salmaǵy 4 tonna bolatyn 200 kanıstradan turatyn jasyryn qoıma anyqtaldy. Onda sıntetıkalyq esirtki daıyndaýǵa arnalǵan prekýrsorlar bolǵan.

Jalpy alǵanda, osy jyldyń basynan bastap 16 sáýirdegi resmı statıstıkalyq derekterge sáıkes, zańsyz aınalymnan 11 tonnadan astam prekýrsor tárkilendi. Mamandardyń baǵalaýy boıynsha, olardan shamamen 1,5 tonna sıntetıkalyq esirtki daıyndaý josparlanǵan.

Іshki ister mınıstrligi eske salady: prekýrsorlardyń zańsyz aınalymy úshin 1 qańtardan bastap Qazaqstan Respýblıkasy Qylmystyq kodeksiniń 301-babyna sáıkes qylmystyq jaýapkershilik engizildi jáne 15 jylǵa deıin bas bostandyǵynan aıyrý jazasy qarastyrylǵan.

Esirtki óndirý men taratýdy uıymdastyrýǵa baǵyttalǵan kez kelgen áreket qoldanystaǵy zańnama aıasynda mindetti túrde toqtatylady.

Aıta keteıik, Jambyl oblysynda iri esirtki tasymaly arnasy toqtatyldy.