Astanada sımfonııalyq orkestrdiń súıemeldeýimen qazaqsha ertegi qoıylady
ASTANA. 29 jeltoqsan. QazAqparat - 2014 jyldyń 7 men 9 qańtar aralyǵyndaǵy qysqy kanıkýl kezinde «Astana Opera» teatrynyń kameralyq zalynda elorda oqýshylaryna kemeńger kompozıtor Sergeı Prokofevtiń balalarǵa arnalǵan «Petıa jáne qasqyr» atty áıgili sımfonııalyq ertegisi qoıylady. Bul týraly teatrdyń baspasóz qyzmetine silteme jasap BAQ.KZ habarlaıdy.
«Petıa jáne qasqyr» ertegisi sımfonııalyq orkestrdiń súıemeldeýimen óleńdi mánerlep oqýǵa arnalǵan. Týyndynyń negizgi ıdeıasy erteginiń árbir keıipkerin óz aspaby jáne óz mýzykalyq taqyryby kórkemdeıtindiginde. «Petıa jáne qasqyr» sımfonııalyq ertegisi álemdegi eń kóp oryndalatyn mýzykalyq týyndylardyń biri. «Petıa jáne qasqyr» ertegisi alǵash ret qazaqshaǵa aýdarylǵan. Aýdarma avtory - Jolaman Tursynbaev. Endi oqýshylardyń sımfonııalyq ertegini qazaqsha jáne oryssha tyńdaı alady.
