Astanada sımfonııalyq kontsert ótedi
ASTANA. QazAqparat - Búgin elordadaǵy Kongress-holl sahnasynda Astana qalasy Memlekettik akademııalyq fılarmonııasy sımfonııalyq mýzyka kontsertin ótkizedi.
Bul týraly qalalyq ákimdiktiń baspasóz qyzmeti habarlaıdy.
Kesh qonaqtaryn qyzyqty baǵdarlama kútip tur. Kontsertke Memlekettik akademııalyq fılarmonııanyń Sımfonııalyq orkestri, álem moıyndaǵan Qazaqstannyń ataqty pıanısty Hadısha Onalbaeva, sonymen qatar, Ǵ. Jubanova atyndaǵy Memlekettik ishekti kvarteti qatysady. Dırıjeri - AQSh-tan kelgen qonaq, kóptegen syılyqtardyń ıegeri Kler Foks Hıllard.
Kontsert baǵdarlamasynda Edýard Elgardyń «Introdýktsııa men Allegro» shyǵarmasy, Djordj Gershvınniń «Rapsodııa v stıle blıýz», Iogannes Bramstyń «Sımfonııa №4» sekildi shyǵarmalary oryndalady.
Kontsert 19:00-de bastalady.
